തെലങ്കാനയില് നാഗർകുർണൂൽ ജില്ലയിലെ ശ്രീശൈലം ഡാമിന് പിന്നിലുള്ള തുരങ്കം നിര്മാണപ്രവൃത്തികള്ക്കിടെ തകർന്നുവെന്നും ഏഴ് തൊഴിലാളികള് തുരങ്കത്തിനുള്ളിൽ കുടുങ്ങിയതായും റിപ്പോർട്ട്. തുരങ്കത്തിന്റെ ഒരു ഭാഗത്തുണ്ടായ ചോര്ച്ച പരിഹരിക്കാന് തൊഴിലാളികള് അകത്ത് കയറിയപ്പോഴാണ് അപകടം സംഭവിച്ചത്. തുരങ്കത്തിൽ 14 കിലോമീറ്ററോളാം ഉള്ളിലാണ് അപകടം നടന്നതെന്നാണ് വിവരം. മൂന്നുപേരെ രക്ഷപ്പെടുത്തിയതായും ഏഴോളം തൊഴിലാളികൾ ഉള്ളില് കുടുങ്ങി കിടക്കുന്നതായും റിപ്പോര്ട്ടുകളുണ്ട്.
